Astrid Lindgren er löngu heimsfræg fyrir bækurnar sínar. Þær eru geislandi af gleði og kátínu og henni er einkar lagið að setja sig inn í hugarheim barna og sjá þeirra hlið á málunum.
Á tveggja diska hljóðbók er nú hægt að fá þrjár af sögum hennar lesnar af þeim Vilborgu Dagbjartsdóttur rithöfundi og Jóni Inga Hákonarsyni leikara.

Emil í Kattholti
Emil heitir strákur sem á heima í Smálöndunum í Svíþjóð. Hann er sérstaklega iðinn við að gera alls konar prakkarastrik, en þau gerir hann auðvitað óvart. Mamma hans skráir skammarstrikin í bláar stílabækur sem á endanum fylla heila kommóðuskúffu. Vilborg Dagbjartsdóttir les eigin þýðingu.
Lengd: 95 mínútur

Víst kann Lotta að hjóla
„Ég kann víst að hjóla!“ æpti Lotta. „Þegar enginn sér mig get ég það sko alveg!“ Í þessari sögu fáum við að heyra um ærslabelginn Lottu og vini hennar Jónas og Míu Maríu.
Ásthildur Egilson þýddi.
Lengd: 21 mínúta

Þekkir þú Línu langsokk?
Lína er stelpan sem getur lyft heilum hesti og á kistu fulla af gullpeningum. Tommi og Anna eru yfir sig hissa yfir nýja nágrannanum, henni Línu, en brátt eru þau þrjú orðin bestu vinir.
Þuríður Baxter þýddi
Lengd: 16 mínútur

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.

Vilborg Dagbjartsdóttir les.