Eftir skilnað - um foreldrasamstarf og kynslóðatengsl fjallar um þau áhrif sem skilnaðir hafa á lífsgæði barna. Greint er frá stöðu skilnaðarforeldra og þeim ólíku myndum sem samskipti þeirra og forsjárfyrirkomulag taka á sig. Einnig er hugað að  breytingum sem skilnaður veldur á réttarstöðu og uppeldishögum barna.
Bókin er byggð á viðamikilli rannsókn þar sem tekin voru viðtöl við ömmur og afa skilnaðarbarna til þess að komast að því hvernig þau meta aðstæður og líðan barnanna og reynsla þeirra könnuð af skilnaði barna sinna og forsjármálum. Í bókinni er einnig ítarlegt yfirlit yfir skilnaðarrannsóknir og rakin þróun löggjafar á því sviði.
Eftir skilnað er undirstöðurit fyrir allar skilnaðarfjölskyldur og aðstandendur þeirra, fagfólk og nemendur í félagsráðgjöf og skyldum greinum.
Höfundar eru dr. Sigrún Júlíusdóttir prófessor í félagsráðgjöf við Háskóla Íslands og fjölskylduráðgjafi hjá Tengslum og Sólveig Sigurðardóttir félagsráðgjafi, MA, sem starfar við félagsþjónustu sveitarfélaga og barnavernd.