Höfundur: Hjalti Pálsson

Sjötta bindi Byggðasögu Skagafjarðar fjallar um býli í Hólahreppi. Ítarlega er ritað um hverja jörð, ábúendatal 1781-2011 og tafla um fólk og bústofn á tímabilinu 1703-2010. Yfirlit um eignarhald og söguleg umfjöllun jarða allt frá því þær koma fyrst við sögu. Lýst er öllum fornbýlum og seljum sem tengjast jörðunum og gefið upp GPS-stöðuhnit þeirra. Þá er ítarlegur kafli um Hólastað. Drjúgur hluti bókar er áhugavert innskotsefni: þjóðsögur, vísur eða frásagnir. Rík áhersla er á myndefni. Bókin er í stóru broti með 630 ljósmyndum, kortum og teikningum. Litmynd er af hverri jörð og af núverandi ábúendum, auk fjölmargra annarra mynda, gamalla sem nýrra.