Í þessari fyrstu bók úr bókaröðinni Sönn íslensk sakamál segir Jóhannes Kr Kristjánsson sögu Karls Magnúsar Grönvold. Karl var fyrirmyndarunglingur á framabraut í handbolta þegar hann lenti í viðjum fíkniefna. Hann var handtekinn á Guarulhos-flugvellinum í Sao Paulo í Brasilíu í júní 2007 með sex kíló af kókaíni í ferðatöskunni. Þetta átti að vera síðasta ferðin hans sem burðardýr. Ferð sem átti að koma fjármálunum í lag eftir áralanga kókaínneyslu.

Karl var dæmdur til fjögurra ára fangelsisvistar í harðsvíruðu brasilísku fangelsi þar sem ein stærstu glæpasamtök heims ráða ríkjum og mannréttindi eru framandi hugtak. Af einlægni segir Karl Magnús frá lífi sínu, handtökunni og fangelsisvistinni þar sem hann eyddi tæpum fjórum árum af lífi sínu meðal samviskulausra glæpamanna frá nærri níutíu löndum.