Höfundar: Hjalti Hugason, Loftur Guttormsson, Margrét Eggertsdóttir

Áhrif Lúthers hér á landi hafa löngum verið umdeild en allir eru sammála um að siðaskiptin marki tímamót í sögu Íslands. Í tilefni þess að 500 ár eru liðin frá því að Marteinn Lúther setti kenningar sínar fram er bók þessi gefin út.

Tuttugu fræðimenn á sviði guðfræði, sagnfræði, bókmenntafræði og málvísinda fjalla í þessari bók um áhrif Lúthers og hvernig þau birtast, beint og óbeint, á fjölmörgum sviðum samfélags og menningar, sum býsna síðbúin.

Höfundar fjalla meðal annars um samfélagslegar breytingar, uppfræðslu og kennsluaðferðir, bókaútgáfu, sálmakveðskap, myndlist, gagnrýni á kirkjuna, kvennabaráttu og kynferðislegan margbreytileika.