Fallegi flughvalurinn og Leifur óheppni er þriðja bókin um Fallega flughvalinn. Hér hittir hann Leif óheppna, lítinn fugl sem hefur villst um óravegu allt frá Flórída til Íslands. Leif langar heim í sólina í Flórída og Flughvalurinn er boðinn og búinn að hjálpa honum. Hann flýgur með vin sinn alla leið yfir hafið til Ameríku en þar með er ekki öll sagan sögð: Í fenjum Flórída býr nefnilega gamall og grimmur krókódíll sem gert hefur Leifi óheppna og Lindu vinkonu hans lífið leitt – en Flughvalurinn hefur ráð undir rifi hverju.

Þetta er hugljúft og skemmtilegt ævintýri um samskipti manna og dýra. Anna Cynthia Leplar myndskreytir bókina.