Eymd fjallar um rithöfundinn Paul Shelton og samskipti hans við geðsjúka konu sem heldur honum föngnum.

Shelton lendir í bílveltu í afskekktu fjalllendi en er bjargað af Annie Wilkes sem reynist vera einn einlægasti aðdáandi bóka hans.

Hún flytur hann heim til sín og verður í senn hjúkrunarkona hans og fangavörður. Paul neyðist til að skrifa eingöngu fyrir hana og hún hefur sínar aðferðir til að hvetja hann. Ýmis verkfæri koma við sögu, svo sem nál og öxi - ef hvorugt virkar verður Annie fyrst verulega kvikindisleg ...

Stephen King er löngu heimskunnur sem meistari spennusagnanna, og mörg verka hans hafa áður verið þýdd á íslensku, m.a. Átta gata buick sem kom út í kilju í apríl á þessu ári.

Honum bregst ekki bogalistinn frekar en fyrri daginn í þessari kyngimögnuðu sögu og heldur lesendum sínum föngnum frá fyrstu síðu. Eftir bókinni hefur verið gerð kvikmynd sem naut mikilla vinsælda og sló leikkonan Kathy Bates eftirminnilega í gegn í henni.